कोलकाता: ममता बनर्जी ले मंगलबार निर्वाचन आयोग को पत्रमा भारतीय जनता पार्टी को मोहर देखिएको विषयले आयोग कसले सञ्चालन गरिरहेको छ भन्ने स्पष्ट भएको आरोप लगाएकी छन्।
कोलकाता विमानस्थलमा सञ्चारकर्मीसँग कुरा गर्दै उनले उक्त घटनाले आयोगको निष्पक्षतामाथि गम्भीर प्रश्न उठाएको बताइन्। आयोगको एक दस्तावेजमा भाजपा केरला इकाईको मोहर भेटिएपछि सोमबारदेखि राजनीतिक विवाद चर्किएको थियो।
निर्वाचन आयोग ले यसलाई “प्राविधिक/लिपिकीय त्रुटि” भने पनि बनर्जीले त्यसलाई अस्वीकार गर्दै “राजनीतिक षड्यन्त्र” भएको दाबी गरिन्।
उनले यस घटनापछि निर्वाचन प्रक्रियाको निष्पक्षतामाथि गम्भीर शंका उत्पन्न भएको बताउँदै सबै राजनीतिक दललाई एकजुट हुन आह्वान गरिन्।
उनले भनिन्, “विपक्षी दल वामपन्थी होस् वा दक्षिणपन्थी, यसले फरक पर्दैन। सबै दल मिलेर आयोगको सहयोगमा एकदलीय शासन लागू गर्ने प्रयासविरुद्ध लड्नुपर्छ, लोकतन्त्र जोगाउनुपर्छ र स्वतन्त्र तथा निष्पक्ष निर्वाचन सुनिश्चित गर्नुपर्छ।”