वुहान: नाओमी ओसाकाले पहिलो सेट गुमाएपछि असाधारण पुनरागमन गर्दै मंगलवार यहाँ लेलाह फर्नाण्डिजलाई पराजित गरी डब्ल्यूटीए १००० वुहान ओपन टेनि टुर्नामेण्टको दोस्रो राउण्डमा स्थान बनाइन्। साल २०१७ पछि यहाँ पहिलोपल्ट खेलिरहेकी जापानकी ओसाकाले सेण्टर कोर्टमा दिनको पहिलो म्याचमा कनाडाकी खेलाड़ीलाई ४-६, ७-५, ६-३-ले पराजित गरिन्। यसबीच ब्रिटेनकी एम्मा राडुकानु अस्वस्थताले गर्दा म्याचबाट हट्न वाध्य भइन्। अमेरिकाकी आन ली विरुद्ध म्याचको अवधि रिंगाटा लागेर खेल छोड़्दा राडुकानु ६-१, ४-१-ले पछि रहेकी थिइन्। यसरी अमेरिकाकी सोफिया केनिनले अनास्तासिया जखारोवविरुद्ध ३-६, ७-६, ६-३-ले जीत हासिल गरी दोस्रो राउण्डमा स्थान बनाइन्। दोस्रो राउण्डमा उनको भिड़न्त लुइडमिला सामसोनोवासँग हुनेछ, जसले एमिलियाना एरेंगोलाई ६-१, ७-५-ले पराजित गरिन्। विश्वकी दोस्रो नम्बरकी खेलाड़ी इगा स्वियातेकले मेरी बुजकोवाविरुद्ध दोस्रो राउण्डको म्याचको साथ वुहान ओपनमा पदार्पण गर्नेछिन्।