नयाँ दिल्ली: दिग्गज अमेरिकी टेनिस खेलाड़ी तथा ७ पल्टकी ग्राण्ड स्ल्याम च्याम्पियन भीनस विलियम्सलाई यस सालको इण्डियन वेल्स टुर्नामेण्टमा वाइल्ड कार्डद्वारा प्रवेश हासिल भएको छ। टुर्नामेण्टका आयोजकहरूले भीनसलाई वाइल्ड कार्ड एण्ट्री दिइएको पुष्टि गरेको छ। १-१५ मार्चसम्म दक्षिण क्यालिफोर्नियामा हुने यसस टुर्नामेण्टमा भीनस विलियम्सले एकल र युगल दुवै वर्गमा हिस्सा लिनेछिन्। टुर्नामेण्टको निम्ति वाइल्ड कार्ड एण्ट्री पाएर उत्साहित भीनसले भनेकी छन्, इण्डियन वेल्समा फर्किन पाएर म खुशी छु। उत्साहित प्रशंसकहरू अघि खेल्नभन्दा असल अनुभव अरू केही हुँदैन। म आयोजकहरू प्रति कृतज्ञ छु, जसले मलाई टुर्नामेण्टमा स्थान दिए। पूर्व नम्बर एक अनि ४ पल्टकी ओलम्पिक स्वर्ण पदक विजेता भीनसले पहिला पनि इण्डियन वेल्समा धेरै सफलता हासिल गरेकी छन्। उनी ३ पल्ट टुर्नामेण्टको सेमिफाइनलमा पुगिसकेकी छन्। उनले अन्तिमपल्ट २०२४-मा वाइल्ड कार्डकै माध्यमले टुर्नामेण्टमा हिस्सा लिएकी थिइन्। ४५ वर्षीय भीनसले २०२६-मा अष्ट्रेलियन ओपनको साथ सीजनको शुरुवात गरेकी थिइन्। त्यहाँ पनि उनलाई वाइल्ड कार्डद्वारा एण्ट्री हासिल भएको थियो। निराशाजनक प्रदर्शनको साथ पहिलो राउण्डमै बाहिर भए पनि भीनसले ओपन युगमा अष्ट्रेलियन ओपनमा हिस्सा लिने सबैभन्दा अधिक उमेरकी खेलाड़ी हुने रेकर्ड आफ्नो नाम गरेकी थिइन्। गत वर्ष उनी आफ्नो जोड़ीदार लेयला फर्नाण्डीजसँग यूेस ओपनमा महिला युगलको क्वार्टर फाइनलसम्म पुगेकी थिइन्।