नयाँ दिल्ली: आईसीसी टी2२० वर्ल्ड कपमा अफगानिस्तानले अन्तमा गएर पहिलो जीत हासिल गऱ्यो। सोमवार खेलिएको ग्रुप डी-को म्याचममा अफगानिस्तानले यूएई-लाई ५ विकेटले पराजित गऱ्यो। ग्रुपमा आफ्नो पहिलो २ वटा म्याच हार्ने अफगानिस्तानको निम्ति आज अजमतुल्लाह ओमारजाईले ब्याट र बल दुवैको साथ असाधारण प्रदर्शन गरे। अरुण जेटली स्टेडियममा आज टस हारेर पहिला ब्याटिंग गर्दै यूएई-ले २० ओभरमा ९ विकेट गुमाएर १६० रन बनायो। त्यसपछि अफगानिस्तानले १९.२ ओभरमा ५ विकेटमा १६२ रन बनाएर म्याच जित्यो। ओपनर रहमानुल्लाह गुरबाज (०)-लाई शुरुमै गुमाएपछि इब्राहिम जादरानले स्थिति सम्हाले। उनले गुलबदीन नईबसँग दोस्रो विकेटको निम्ति ४० अनि सेदिकुल्लाह अटलसँग ३० रनको पार्टनरशीप गरे। गुलबदीनले १३ र अटलले १६ रन बनाए। अर्द्धशतक पूरा गरेपछि जादरान १४औं ओभरमा आउट भए। उनले ४१ बल खेलेर ६ वटा चौका र एउटा छक्काको साथ ५३ रन बनाए। टीमको स्कोर ९७ पुग्दा जादरान आउट भएपछि अजमतुल्लाह ओमारजई र दार्विश रसूलीले मिलेर टीमलाई जीतको नजिक पुऱ्याए। यी दुईजनाले पाँचौं विकेटको निम्ति ४३ रनको पार्टनरशीप गरे। रसूलीले ३२ बलमा ३३ रन बनाए, जसमा ३ वटा चौका र एउटा छक्का सामेल छ। त्यसपछि ओमारजईले मोहम्मद नबी (अविजित ३ रन)-सँग मिलेर टीमलाई जीत दिलाए। ओमारजईले ३ वटा छक्का र २ वटा चौकाको सहायताले २१ बलमा अविजित ४० रन बनाए। यूएई-का बलरहरूमा जुनैद सिद्दिकी र मुहम्मद अरफानले २-२ विकेट लिए। यसअघि म्याचमा पहिला ब्याटिंग गर्दै यूएई-ले पनि ओपनर अर्यांश शर्माको विकेट शून्यको स्कोरमा गुमायो। कप्तान मुहम्मद वसीम पनि १० रन बनाएर आउट हुँदा स्कोर केवल १३ रन थियो। त्यहाँबाट सोहेब खानले अर्द्धशतक बनाएर टीमलाई असल स्थितिमा पुऱ्याए। सोहेबले अलिशान शाराफुसँग मिलेर तेस्रो विकेटको निम्ति ८४ रनको पार्टनरशीप गरे। सोहेब खानले ४८ बलमा ६ वटा चौका र ४ वटा चौकाको सहायताले सर्वाधिक ६८ रन बनाए। यसरी शाराफुले ३१ बलमा ४० रन बनाए, जससमा ३ वटा चौका र २ वटा छक्का सामेल छ। सोहेब र शाराफुबीचको पार्टनरशीप तोड़ेपछि चाहिँ अफगानिस्तानले म्याचलाई नियन्त्रणमा ल्यायो। यसैकारण यूएई-को अन्तिम ओभरहरूमा तेजीको साथ रन बनाउन सकेन। अफगानिस्तानका बलरहरूमा अजमतुल्लाह ओमारजईले सर्वाधिक ४ विकेट लिए।