मुम्बई: भारतीय क्रिकेट कण्ट्रोल बोर्ड (बीसीसीआई)-ले टीम इण्डियाको जिम्बाब्वे यात्राको कार्यक्रम घोषणा गरेको छ। भारतीय टीमले जुलाई २०२६-मा जिम्बाब्वे यात्रामा ३ वटा टी२० इण्टरनेशनल म्याचको सीरीज खेल्नेछ। त्यस सीरीजलाई लिएर भारतीय प्रशंसकहरूबीच अलग उत्साह रहेको छ कारण जिम्बाब्वे जाने टीममा १५ वर्षीय ब्याटर वैभव सूर्यवंशीले भारतीय टीममा पदार्पण गर्ने मौका पाउन सक्छन्। सीरीजको सबै म्याचहरू हरारेमा खेलिनेछ। पहिलो टी२० म्याच २३ जुलाईमा हरारे स्पोर्टस क्लब मैदानमा खेलिनेछ। त्यसपछि रहल दुईवटा म्याच २५ र २६ जुलाईमा त्यही मैदानमा खेलिनेछ। भारतीय टीम अन्तिमपल्ट २०२४-मा जिम्बाब्वे यात्रामा गएको थियो अनि त्यस समय दुई टीमबीच ५ वटा टी२० इण्टरनेशनल म्याचको सीरीज खेलिएको थियो। यसपाली जिम्बाब्वे जाने टीममा युवा खेलाड़ीहरूले मौका पाउन सक्छन्। टी२० वर्ल्ड कप २०२८ र ओलम्पिक २०२८-को तयारीहरूलाई ध्यानमा राखेर टीम संयोजनमाथि काम हुनेछ। यसको साथमा बेञ्च स्ट्रेन्थलाई पनि जाँच्ने मौका प्राप्त हुनेछ। यसैकारण जिम्बाब्वे जाने टीममा जूनियर क्रिकेट र आईपीएलमा खलबली मचाउने वैभव सूर्यवंशीले मौका पाउन सक्छन्। सूर्यवंशी गत महिना १५ सालका भएका छन् अनि अहिले आईसीसीको नियमहरू अनुसार उनी भारतीय टीममा खेल्ने पात्र भएका छन्।