कोलकाता: प्याटन समूहका एमडी सञ्जय बुधियाले प्रेस विज्ञप्ति मार्फत मुख्यमन्त्री श्रीमती ममता बनर्जीको मार्गदर्शनमा अर्थमन्त्री श्रीमती चन्द्रिमा भट्टाचार्यले प्रस्तुत गरेकी राज्य बजेटले समग्र विकाससँग सम्बन्धित धेरै विषयहरूलाई एकैसाथ सम्बोधन गर्न बहुआयामिक रणनीतिहरू अत्यन्त सफलतापूर्वक अपनाएको बताएकाे छन्।
बुधियाले मुख्यमन्त्री र उनको सम्पूर्ण टोलीलाई यस्तो जनमुखी, व्यवहारिक, व्यावहारिक तथा प्रगतिशील बजेट प्रस्तुत गरेकोमा हार्दिक बधाई तथा शुभकामना व्यक्त गरे।
यस बजेटले महिला सशक्तीकरण, समावेशी विकास तथा रोजगारी सृजनामा निरन्तर जोड दिइएको कुरालाई पुनः सुदृढ र स्पष्ट रूपमा प्रस्तुत गरेको उनले उल्लेख गरे। लक्ष्मी भण्डार योजनामा मासिक ५०० रुपैयाँ वृद्धि, पारा शिक्षक, आशा कर्मी तथा सिभिक भोलिन्टियरहरूको भत्तामा वृद्धि, साथै गिग वर्करहरूलाई स्वास्थ्य साथी योजनामा समावेश गर्नु अत्यन्त स्वागतयोग्य कदम रहेकाे उनले थपे।
यसैगरी बुधियाले ५ वटा नयाँ एमएसई औद्योगिक पार्क स्थापना गर्ने प्रस्तावले रोजगारी सिर्जना तथा सन्तुलित आर्थिक विकासका लागि उल्लेखनीय अवसर प्रदान गर्नेछ भनि जनाए। साथै आत्मविश्वासी, निरन्तर र विश्वसनीय यो अन्तरिम बजेट राज्यको विकास एजेन्डालाई स्पष्ट रूपमा प्रस्तुत गर्ने सकारात्मक संकेत हो, जसले हाम्रो राज्य र नागरिकहरूको विकास सम्भावनालाई अझ तीव्र बनाउने उजागर गरे।