दुबई: आईसीसी पुरुष टी२० वर्ल्ड कप २०२६-को आयोजन तक्निकी समितिले चोटग्रस्त मथीशा पथिरानाको स्थानमा दिलशान मदुशंकालाई श्रीलंकाई टीममा सामेल गर्ने मञ्जुरी दिएको छ। पथिरानालाई अष्ट्रेलियाविरुद्ध १६ फरवरीमा खेलिएको म्याचको अवधि देब्रे खुट्टामा चोट लागेको थियो। त्यस चोटले गर्दा उनी टुर्नामेण्टबाट बाहिर भएका छन् अनि मदुशंकाले टीममा उनको स्थान लिनेछन्। अष्ट्रेलियाविरुद्ध पल्लेकेलेमा खेलिएको म्याचमा आफ्नो पहिलो स्पेलमा केवल ४ बल गरेर पथिरानाले मैदान छोड़्नु परेको थियो। त्यसपछि कप्तान दासुन शनाकाले रहल २ बल गरेर ओभर पूरा गरेका थिए। कुनै खेलाड़ीको स्थान लिन आयोजन तक्निकी समितिको मञ्जुरी आवश्यक हुन्छ। समितिको मञ्जुरी प्राप्त भएपछि मात्र खेलाड़ीलाई आधिकारिक रूपमा टीममा सामेल गर्न सकिन्छ। यसअघि श्रीलंकाका ब्याटिंग सल्लाहकार विक्रम राठौड़ले पथिरानाको चोटबारे अपडेट दिएका थिए। उनले भनेका थिए, मेरो विचारमा उनलाई रहल म्याचहरूको निम्ति अनफिट घोषित गरिनेछ। उनको रिप्लेसमेण्टबारे चर्चा भइरहेको छ। उल्लेखनीय छ, श्रीलंकाई टीमका स्टार स्पिन अलराउण्डर वानिन्दु हसरंगा अगावै टुर्नामेण्टबाट बाहिर भइसकेका छन्। त्यसपछि पथिराना पनि बाहिर हुँदा श्रीलंकाको बलिंग आक्रमणको धार सामान्य भए पनि कम्ती हुनेछ। श्रीलंकाई टीमले अगावै सुपर ८-मा स्थान बनाइसकेको छ। सुपर ८-मा श्रीलंकाको पहिलो म्याच २२ फरवरीमा ईंग्ल्याण्डविरुद्ध रहेको छ।