नयाँ दिल्ली: क्रिकेट अष्ट्रेलिया (सीए)-ले बुधवार २०२६-२७ सीजनको निम्ति २१ जना खेलाड़ीहरूका केन्द्रीय अनुबन्ध सूची जारी गऱ्यो। यस सूचीमा धेरै ठूलो फेरबदल देखिएको छ, जहाँ अनुभवी अलराउण्डर ग्लेन म्याक्सवेलसहित ५ जना खेलाड़ीलाई बाहिर गरिएको छ। यस फसेलाले क्रिकेट जगतमा हलचल मचाएको छ कारण म्याक्सवेल अहिले पनि इण्टरनेशनल क्रिकेट खेल्न चाहन्छन्। यसपाली केन्द्रीय अनुबन्ध नपाउने खेलाड़ीहरूमा म्याक्सवेल, सेम कोन्स्टास, झाय रिचर्डसन, म्याथ्यू शर्ट र लान्स मरिस सामेल छन्। रिपोर्टअनुसार, रिचर्डसन र मरिसको चोट अनुबन्धबाट बाहिर हुने मुख्य कारण रह्यो जबकि कोन्स्टास र शर्ट अहिले चयनकर्ताहरूका प्राथमिकताबाट बाहिर छन्। नयाँ अनुबन्ध सूचीमा पेस बलर ब्रेण्डन डगेट र ओपनर जेक वेदराल्डले पहिलोपल्ट स्थान पाएका छन्। यी दुईजनाले २०२५-२६ एशेज सीरीजमा पदार्पण गरेका थिए अनि वेदराल्डले टेस्ट ओपनरको रूपमा लामो समयसम्म मौका पाउने संकेत प्राप्त भएको छ। अष्ट्रेलियाका मुख्य चयनकर्ता जर्ज बेलीले भने, आउँदो १२ महिनामा हामीले अलग-अलग परिस्थितिहरू र चुनौतीहरूबीच लगातार टेस्ट क्रिकेट खेल्नु छ। कार्यक्रम व्यस्त भएको हुनाले यसपाली अनुबन्ध सूचीमा टेस्ट र मल्टी फर्मेट खेलाड़ीहरूलाई अधिक प्राथमिकता दिइएको छ। बोर्डको फसेलाले म्याथ्यू रेनशालाई सबैभन्दा अधिक निराशा भएको छ। उनले सेतो बलको क्रिकेटमा पुनरागमनपछि असल प्रदर्शन गरेका थिए। यसबाहेक घरेलु क्रिकेटमा लगातार रन बनाएर टेस्ट टीममा फर्किने दावेदारी पेश गरेका थिए। अष्ट्रेलियाले आउँदो १२ महिनामा १५ वटा टेस्ट म्याच खेल्नु छ, जसमा ६ वटा घरेलु म्याच पनि सामेल छ। टीमले बंग्लादेश र न्यूजील्याण्डविरुद्ध सीरीज खेल्नु छ। त्यसपछि दक्षिण अफ्रिका यात्रा अनि भारतमा ५ वटा टेस्ट म्याचको बोर्डर-गावस्कर ट्रफी सीरीज रहेको छ। अहिले अष्ट्रेलिया वर्ल्ड टेस्ट च्याम्पियनशीप २०२५-२७ चक्रमा शीर्ष स्थानमा रहेको छ अनि टीम फाइनल खेल्ने प्रबल दावेदार रहेको छ।
क्रिकेट अष्ट्रेलियाको केन्द्रीय अनुबन्ध सूचीमा स्थान पाउने खेलाड़ीहरू यसप्रकार छन्ः
जेवियर बार्टलेट, स्कट बोलाण्ड, एलेक्स केरी, प्याट कमिन्स, ब्रेण्डन डगेट, नाथन एलिस, क्यामरन ग्रीन, जोश हेजलवुड, ट्रेविस हेड, जोश ईंग्लिश, म्याथ्यू कुहनेम्यान, मार्नस लाबुशेन, नाथन लायन, मिचेल मार्श, टड मर्फी, माइकल नेसर, स्टीव स्मिथ, मिचेल स्टार्क, जेक वेदराल्ड, ब्यू वेबस्टर र एडम जाम्पा।