मियामी: फूटबलका महानतम खेलाड़ीहरूमा सामेल लियोनल मेस्सीले अझ एउटा ऐतिहासिक उपलब्धि हासिल गरेका छन्। उनले आधिकारिक म्याचहरूमा ९०० गोल पूरा गरेका छन् अनि यस्तो गर्ने उनी क्रिस्टियानो रोनाल्डोपछि विश्वका केवल दोस्रो पुरुष फूटबलर बनेका छन्। यस विशेष उपलब्धिलाई उनले इण्टर मियामीबाट खेल्दै कनकाकाफ च्याम्पियन्स कपमा नेशविलविरुद्ध म्याचमा हासिल गरे। यस उपलब्धिको साथ मेस्सी अहिले आफ्नो सबैभन्दा ठूलो प्रतिद्वन्द्वी रोनाल्डोको विशेष क्लबमा सामेल भएका छन्। रोनाल्डोले सेप्टेम्बर २०२४-मा ९०० गोलको आँकड़ा पार गरेका थिए। अन्तर्राष्ट्रिय फूटबल इतिहास एवम् सांख्यिकी महासंघ (आईएफएफएचएस) अनुसार, रोनाल्डो अहिले ९६५ गोलको साथ १००० गोलको चमत्कारी आँकड़ा तर्फ अघि बढ़िरहेका छन्। यसबीच मेस्सीले सबैभन्दा छिटो ९०० गोल गर्ने रेकर्ड चाहिँ बनाएका छन्। मेस्सीले ११४२ वटा म्याचमा यस उपलब्धिलाई हासिल गरे जबकि रोनाल्डोलाई यस आँकड़ासम्म पुग्न १२३६ वटा म्याच लागेको थियो। सर्वाधिक गोल गर्ने खेलाड़ीहरूका सूचीमा ब्राजीलका महान फूटबलर पेले ७६२ गोलको साथ दोस्रो स्थानमा रहेका छन्। नेशविलविरुद्ध म्याचमा मेस्सीले गोल गरे पनि आफ्नो टीम इण्टर मियामीलाई जीत दिलाउन सकेनन्। म्याच १-१-ले ड्र ररह्यो तर अवे गोलको नियमले गर्दा इण्टर मियामी टुर्नामेण्टबाट बाहिर भयो।
मेस्सीले आफ्नो असाधारण करियरमा सर्वाधिक गोल स्पेनिस क्लब एफसी बार्सिलोनाको तर्फबाट गरेका छन्। उनले बार्सिलोनाको तर्फबाट ७७८ वटा म्याचमा ६७२ गोल गरेका छन्, जसले कुनै एउटा क्लबको निम्ति उनको असाधारण योगदानलाई दर्शाउँछ। यसबाहेक उनले पेरिस सेण्ट जर्मेन (पीएसजी)-को निम्ति ७५ वटा म्याचमा ३२ गोल र इण्टर मियामीको तर्फबाट ८१ गोल गरिसकेका छन्। इण्टरनेशनल फूटबलमा पनि मेस्सीको प्रदर्शन असाधारण रहेको छ। उनले अर्जेण्टिनाको निम्ति ११५ गोल गरिसकेका छन्। अर्जेण्टिनाले मेस्सीको अगुवाईमा २०२२ फिफा वर्ल्ड कपको खिताब जितेको थियो। मेस्सीको करियरको सबैभन्दा असाधारण साल २०१२ रह्यो, जब उनले क्लब र देश मिलाएर जम्मा ९१ गोल गरेका थिए। यो रेकर्ड अहिले पनि फूटबल इतिहासमा एउटा ठूलो उपलब्धि मानिन्छ।