सिडनी: अष्ट्रेलियालाई टी२० विश्व कप शुरु हुन अघि ठूलो झट्का लागेको छ। अष्ट्रेलियाका अनुभवी पेस बलर प्याट कमिन्स चोटले गर्दा टुर्नामेण्टबाट बाहिर भएका छन्। अष्ट्रेलियाले आफ्नो १५ सदस्यीय टीममा २ वटा फेरबदल गरेको छ। कमिन्स बाहेक शीर्ष क्रमका ब्याटर म्याथ्यू शर्ट पनि टीमबाट बाहिर भएका छन्। यी दुईजनाको स्थानमा पेस बलर बेन ड्वारशुइस र ब्याटर म्याथ्यू रेनशालाई टीममा सामेल गरिएको छ। कमिन्स लामो समयदेखि चोटसँग जुझिरहेका छन्। ईंग्ल्याण्डविरुद्ध एशेज सीरीजमा पनि उनी अधिकांश म्याचमै बाहिर रहेका थिए। टेस्ट टीमबाट बाहिर भएपछि कमिन्स टी२० वर्ल्ड कपसम्म फिट हुने आशा गरिएको थियो तर टुर्नामेण्ट शुरु हुन अहिले केवल ७ दिन समय बाँचेको छछ अनि उनको फिटनेसमा अधिक सुधार आएको छैन। अन्तमा क्रिकेट अष्ट्रेलियाले उनलाई टीमबाट बाहिर गर्ने फसेला लिनु पऱ्यो। कमिन्स अष्ट्रेलियाई टीमको महत्त्वपूर्ण सदस्य हुन् अनि उनी टीममा नहुनु अष्ट्रेलियाको निम्ति ठूलो झट्का हो। यसबीच जोश हेजलवुड, टिम डेविड र नाथन एलिसले चाहिँ टी२० वर्ल्ड कपको निम्ति फिटनेस टेस्ट पास गरेका छन्। ह्यामस्ट्रिंगको चोटले गर्दा हेजलवुड एशेज सीरीजबाट बाहिर रहेका थिए। यसरी डेविडले चोटले गर्दा बिग ब्याश लीग र पाकिस्तानविरुद्ध सीरीजमा खेल्न सकेका थिएनन्। एलिस पनि चोटले गर्दा लामो समयदेखि मैदान बाहिर रहेका थिए।
अष्ट्रेलियाई टीमले वर्ल्ड कप अघि पाकिस्तानविरुद्ध ३ वटा म्याचको टी२० सीरीजमा हिस्सा लिइरहेको छ। आईसीसी टी२० वर्ल्ड कप ७ फरवरीदेखि शुरु हुनेछ। यस वैश्विक टुर्नामेण्टका म्याचहरू भारत र श्रीलंकामा खेलिनेछ। अष्ट्रेलियासँग ग्रुप बी-मा ओमान, आयरल्याण्ड, जिम्बाब्वे र श्रीलंका रहेको छ। अष्ट्रेलियाले वर्ल्ड कपमा ११ फरवरीमा आयरल्याण्डविरुद्ध म्याचको साथ अभियान शुरु गर्नेछ। म्याच कोलम्बोमा खेलिनेछ। टी२० वर्ल्ड कपको निम्ति अष्ट्रेलियाई टीम यसप्रकार रहेको छः
मिचेल मार्श (कप्तान), जेवियर बार्टलेट, कूपर कोनोली, टिम डेविड, बेन ड्वारशुइस, क्यामरन ग्रीन, नाथन एलिस, जोश हेजलवुड, ट्रेविस हेड, जोश ईंग्लिश, म्याथ्यू कुहनेम्यान, ग्लेन म्याक्सवेल, म्याथ्यू रेनशा, मार्कस स्टोइनिस, एडम जाम्पा।