पल्लेकेले: अष्ट्रेलियाले जीतको साथ आईसीसी टी२० वर्ल्ड कप २०२६-बाट बिदा लियो। शुक्रवार खेलिएको ग्रुप बी-को म्याचमा अष्ट्रेलियाले ओमानलाई ९ विकेटले पराजित गऱ्यो। यस म्याचको साथ टुर्नामेण्टको ग्रुप चरणको म्याचहरू पनि समाप्त भयो अनि शनिवारदेखि सुपर ८ राउण्ड शुरु हुनेछ। अष्ट्रेलिया ४ वटा म्याचमा ४ पोइण्ट्सको साथ ग्रुपको तेस्रो स्थानमा रह्यो। यस ग्रुपबाट जिम्बाब्वे र श्रीलंकाले सुपर ८-मा स्थान बनायो। पल्लेकेले इण्टरनेशनल स्टेडियममा टस हारेर पहिला ब्याटिंग गर्दै ओमान १६.२ ओभरमा १०४ रन बनाएर अलआउट भयो। त्यसपछि अष्ट्रेलियाले ९.४ ओभरमै १०८ रन बनाएर म्याच जित्यो। अष्ट्रेलियाको निम्ति कप्तान मिचेल मार्शले अविजित ६४ रन बनाए। उनले ३३ बल खेलेर ७ वटा चौका र ४ वटा छक्का लगाए। मार्शले आक्रामक ब्याटिंग गर्दै आफ्नो ओपनिंग जोड़ीदार ट्रेविस हेडसँग मिलेर पहिलो विकेटको निम्ति ४९ बलमा ९३ रनको पार्टनरशीप गरे। हेड १९ बलमा ३२ रन बनाएर आउट भए, जसमा ६ वटा चौका सामेल छ। हेड आउट भएपछि मार्शले जोश ईंग्लिशसँग मिलेर टीमलाई जीत दिलाए। ईंग्लिश १२ रनमा अविजित रहे। यसअघि म्याचमा पहिला ब्याटिंग गर्दै ओमानले अष्ट्रेलियाको मजबूत बलिंगविरुद्ध कुनै चुनौती पेश गर्न सकेन। ओमानको निम्ति वसिम अलीले सर्वाधिक ३२ रन बनाए। उनले ३३ बल खेलेर ४ वटा चौका लगाए। यसबाहेक कप्तान जतिन्दर सिंहले १७ र हमद मिर्जाले १६ रन बनाए। अष्ट्रेलियाई बलरहरूमा स्पिनर एडम जाम्पाले सर्वाधिक ४ विकेट लिए।