सिलगढी: सिलगढी नगरनिगम(एसएमसी)का चेयरमैन गौतम देवले वरिष्ठ राजनीतिक व्यक्तित्व मुकुल रायको निधनले आज आफुलाई अत्यन्तै मर्माहत बनाएको व्यक्त गरे। देवले बंगालको राजनीतिमा मुकुललाई निकै नजिकबाट देख्ने अवसर पाएको र राजनीतिक सहयोद्धाका रूपमा उनको लामो यात्राको साक्षी रहेको जनाए। साथै देवले अघि भने, ‘मुकुलको असाधारण संगठनात्मक क्षमता, कार्यकर्ताप्रति सहज र सरल व्यवहार तथा राजनीतिक रणनीति निर्धारणमा उनको प्रखर बुद्धिमत्ता सधैं स्मरणीय रहनेछ।
यसबारे उल्लेख गर्दै गौतम देवले विभिन्न समयमा मुकुलसँग भएका छलफल र विचार–विमर्शका क्षणहरू आज विशेष रूपमा सम्झना आइरहेका छन् भने।
यसैगरी गौतम देवले फेरि भने, ‘राजनीतिक जीवनको व्यस्तताका बीच पनि सबैसँग मुकुलको स्नेहपूर्ण व्यवहार र साथै कुशल संगठकको रूपमा रहेको पहिचानले मुकुल दा सबैका लागि अत्यन्तै निकट “नेता” थिए।
उनको निधनले केवल राजनीतिक शून्यता मात्र सिर्जना गरेको छैन, व्यक्तिगत रूपमा पनि एक अनुभवी र स्नेही व्यक्तित्व गुमाएको महसुस भएको अनुभव राख्दै गौतम देवले शोक सन्तप्त परिवार तथा असंख्य अनुयायीहरूप्रति हार्दिक समवेदना व्यक्त गरे। साथै परम करुणामयले मुकुलको आत्मालाई चिरशान्ति प्रदान गरून् भनि प्रार्थना गरे।