लण्डन: आर्सनलले मध्यान्तर अघि नै गोलको वर्षा गर्दै एफए कप (द फूटबल एसोसिएशन च्यालेञ्ज कप)-मा पाँचौं राउण्डमा प्रवेश गऱ्यो। आइतवार राति खेलिएको म्याचममा आर्सनलले विगान एथलेटिकविरुद्ध ४-०-ले जीत दर्ता गऱ्यो। म्याचमा ७९ प्रतिशत पोजेशनको साथ खेल्ने आर्सनलले म्याचको जम्मै गोल पहिलो २७ मिनटभित्र हासिल गऱ्यो। विजेता टीमको तर्फबाट नोनी मादुएकेले ११औं, गेब्रिएल मार्टनेल्लीले १९औं र गेब्रिएल जीससले २७औं मिनटमा गोल गरे। अन्य एउटा गोल आत्मघाती (ज्याक हण्ट, २३औं मिनट) रह्यो। म्याचमा विगान एथलेटिकको टीमले कुनै चुनौती पेश गर्न सकेन। यसरी लीड्स युनाइटेडले बर्मिंघमविरुद्ध पेनल्टी शूटआउटमा ४-२-ले रोमाञ्चक जीत हासिल गऱ्यो। निर्धारित समयको खेलमा स्कोर १-१-को बराबरीमा रहेको थियो। चौथो राउण्डको अन्य म्याचहरूमा सण्डरल्याण्डले अक्सफोर्ड युनाइटेडलाई १-०-ले, फूलह्यामले स्टोक सिटीलाई २-१-ले र वूल्भ्सले ग्रिम्ब्सी टाउनलाई १-०-ले पराजित गऱ्यो।