लण्डन: शक्तिशाली लिभरपूल र म्यानचेष्टर सिटीको साथमा चेल्सीले एफए कप (द फूटबल एसोसिएशन च्यालेञ्ज कप)-मा पाँचौं राउण्डमा प्रवेश गऱ्यो। शनिवार राति खेलिएको म्याचमा लिभरपूलले ब्राइटनलाई ३-०-ले पराजित गऱ्यो। म्याचको शुरुवातमा ब्राइटनले चुनौती पेश गरे पनि लिभरपूलले लगातार ३ गोल हासिल गरी म्याच जित्यो। म्याचमा ४८ प्रतिशत पोजेशनको साथ खेल्ने विजेता टीमबाट कुर्टिस जोन्सले ४२औं, डोमिनिक श्बोज्लाइले ५६औं र मोहामेद सालाहले ६८औं मिनटमा गोल गरे। ब्राइटनले लगातार प्रयास गरे पनि गोल गर्न सकेन। यसरी म्यानचेष्टर सिटीले सालफोर्ड सिटीको कमजोर चुनौतीलाई सजिलै पार गऱ्यो। म्याचमा ८० प्रतिशत पोजेशनको साथ खेल्ने म्यानचेष्टर सिटीले २-०-ले जीत हासिल गऱ्यो। सालफोर्ड सिटीका डिफेण्डर अल्फी डोरिंग्टनले छैटौं मिनटमा आत्मघाती गोल गरे। त्यसपछि मार्क गुएहीले ८१औं मिनटमा अझ एक गोल गरी सिटीलाई जीत दिलाए।
चेल्सीलाई पनि हल सिटीविरुद्ध ४-०-ले जीत हासिल गर्न कुनै समस्या भएन। म्याचमा ७८ प्रतिशत पोजेशनको साथ खेल्ने विजेता टीमको निम्ति पेड्रो नेटोले ह्याट्रिक गरे। नेटोले म्याचको ४०औं, ५१औं र ७१औं मिनटमा गोल गरे। यसरी एस्तेभाओले ५९औं मिनटमा गोल गरे। न्यूक्यासलले पनि जीत हासिल गरी पाँचौं राउण्डमा प्रवेश गऱ्यो। न्यूक्यासलले १० जना खेलाड़ीमा सीमित एस्टन भिल्लालाई ३-१-ले पराजित गऱ्यो। म्याचमा ५६ प्रतिशत पोजेशनको साथ खेल्ने विजेता टीमको निम्ति साण्ड्रो टोनालीले ६३औं र ७६औं मिनटमा गोल गरे। अन्य एउटा गोल निक वोल्टमेडले ८८औं मिनटमा गरे। एस्टन भिल्लाको निम्ति टेमी अब्राहमले १४औं मिनटमा गोल गरे। मध्यान्तरको ठीक अघि एस्टन भिल्लाका गोलकीपर मार्को बिजोटलाई रेड कार्ड देखाइयो। चौथो राउण्डको अन्य म्याचहरूमा रेक्टहामले इप्सविच टाउनलाई १-०-ले, वेष्टह्यामले बर्टनलाई १-०-ले, नर्विच सिटीले वेष्ट ब्रोमलाई ३-१-ले, साउथम्प्टनले लिस्टर सिटीलाई २-१-ले अनि मान्सफील्ड टाउनले बर्नलीलाई २-१-ले पराजित गऱ्यो।