नयाँ दिल्ली: ईंग्ल्याण्डका पूर्व क्रिकेटर केविन पीटरसनले आफ्नो इण्टरनेशनल करियरलाई लिएर ठूलो खुलासा गरेका छन्। पीटरसनले आईपीएललाई लिएर ईंग्ल्याण्ड एवम् वेल्स क्रिकेट बोर्ड (ईसीबी)-सँग विवादले गर्दा उनको करियर समयभन्दा अघि नै समाप्त भएको दावी गरेका छन्। ईंग्ल्याण्डका पूर्व क्रिकेटरले एउटा साक्षात्कारमा आईपीएलको शुरुवाती चरणमा ईसीबी-ले खेलाड़ीहरूसँग कठोरता देखाएको अनि मीडियाको माध्यमले उनीविरुद्ध माहोल बनाएको बताएका छन्। पीटरसनले भनेका छन्, मैले ठूलो बलिदान दिए। मैले आफ्नो करियर गुमाए। यसैकारण त्यस सिस्टमका मानिसहरू मेरो विरोधमा उभिए। मलाई ३३ सालको उमेरमा १०४ वटा टेस्ट म्याच खेलेपछि बाहिर गरियो। मैले १५०-१६० वटा टेस्ट म्याच खेलेर १२-१३ हजार रन बनाउनु पर्ने थियो। मेरो फसेलाहरूलाई गलित तरिकाले पेश गरियो। यसले मेरो करियरमा असर गऱ्यो। पीटरसनले ईसीबी-माथि गम्भीर आरोप लगाउँदै बोर्डले मीडियाको प्रयोग उनीविरुद्ध गरेको बताएका छन्। उनले भने, ईसीबी-ले मेरो विरुद्ध माहोल बनाउन मीडियाको प्रयोग गऱ्यो। म धेर गहिराईमा जान चाहदिन तर यो सब सार्वजनिक थियो। उल्लेखनीय छ, २००८-मा आईपीएलको पहिलो सीजनमा ईसीबी-ले आफ्नो अनुबन्धित खेलाड़ीहरूलाई खेल्नदेखि रोकेको थियो। २००९-मा खेलाड़ीहरूलाई सीमित समयको निम्ति आईपीएलमा खेल्ने अनुमति हासिल हुँदा पीटरसनले रोयल च्यालेञ्जर्स बेंगलुरुमा सामेल हुने फसेला गरेका थिए। यही फसेला उनी र ईसीबी-बीच मतभेदको कारण बन्यो। पीटरसनले पछिबाट आईपीएलमा दिल्ली डेयरडेविल्स र सनराइजर्स हैदराबादको निम्ति पनि खेले। पीटरसनको भनाइअनुसार, उनको बलिदानले आजका खेलाड़ीहरूलाई फाइदा प्राप्त भयो। उनले जोस बटलरको नाम उल्लेख गर्दै भने, मैले केही दिन अघि जोस बटलरको साक्षात्कार लिएको थिएँ अनि उनले पनि मलाई धन्यवाद भनेका थिए। मेरो बलिदानले गर्दा आज खेलाड़ीहरूले फ्रेञ्चाइजी क्रिकेटको आनन्द लिन सकिरहेका छन्। आईपीएलमा खेलाड़ीको रूपमा करियरको समाप्तिपछि पीटरसनले २०२५-मा दिल्ली क्यापिटल्समा मेण्टरको रूपमा पनि काम गरेका थिए।