काठमाडौँ: ईरान खाडी क्षेत्रमा तनाव चुलिँदा, राष्ट्रिय ध्वजावाहक नेपाल वायुसेवा निगमले शुक्रबारबाट दुबई र दमामका लागि विशेष उडान संचालन गर्न लागेको छ।
निगमका प्रवक्ता अर्चना खड्काका अनुसार, पहिलो उडान काठमाडौँबाट शुक्रबार राति ११:१५ बजे दुबईका लागि प्रस्थान गर्नेछ। दुबईबाट विमान शनिबार बिहान स्थानीय समयअनुसार ४:१० बजे फर्किनेछ।
त्यसैगरी, आइतवार बिहान ८:३० बजे काठमाडौँबाट दमामतर्फ उडान हुने र स्थानीय समयअनुसार दिउँसो १२:२० बजे नेपाल फर्किने निगमले जानकारी दिएको छ।
परराष्ट्र मन्त्रालयका प्रवक्ता लोकबहादुर पौडेल क्षेत्रीका अनुसार, परराष्ट्रमन्त्री प्रकाश शरण खनालको पहलमा विशेष उडानका लागि अनुरोध गरिएको हो।
विशेष उडानमार्फत सामान्य यात्रुहरूसँगै मृतकका शव पनि नेपाल ल्याउने व्यवस्था गरिएको छ। दुबईबाट करिब बाह्र भन्दा बढी शव र दमामबाट केही शव ल्याइने बताइएको छ।
निगमले भनेको छ कि विमानहरू पूर्ण क्षमतामा यात्रु बोकेर उड्नेछन् र पश्चिम एशियामा बढ्दो तनावका कारण विमानस्थल बन्द भइरहेकाले, एप्रिल ७ सम्म नियमित उडानहरू स्थगित रहनेछन्।