नयाँ दिल्ली: संयुक्त राज्य अमेरिका ले इरान विरुद्ध सम्भावित सैन्य कारबाहीको तयारी तीव्र पारेको छ। अमेरिकी पक्षले मध्यपूर्व क्षेत्रमा दुई युद्धपोत तैनाथ गर्नुका साथै ठूलो संख्यामा लडाकु विमानहरू तयारी अवस्थामा राखेको जनाएको छ। विशेष फौजसमेत परिचालन गरिएको खबर छ।
यसैबीच इरानले आफ्नो सहयोगी रूस सँग संयुक्त नौसैनिक अभ्यास सुरु गरेको छ। ओमानको खाडी र उत्तरी हिन्द महासागर क्षेत्रमा दुवै देशका नौसेनाले संयुक्त ड्रिल सञ्चालन गरिरहेका छन्। अभ्यासका क्रममा अपहरण गरिएको जहाज मुक्त गराउने अभ्याससमेत गरिएको जनाइएको छ।
इरानी सेना तथा इस्लामिक रिभोल्युसनरी गार्ड कर्प्स (आईआरजीसी) का इकाइहरूले मिसाइल प्रक्षेपण गर्न सक्ने युद्धपोत, हेलिकोप्टर, ल्याण्डिङ क्राफ्ट र विशेष अपरेसन टोलीसहित अभ्यासमा भाग लिएका छन्।
अमेरिकी राष्ट्रपति डोनाल्ड ट्रंप ले इरानलाई परमाणु कार्यक्रमबारे सम्झौता गर्न १० देखि १५ दिनको समयसीमा दिएका छन्। समयसीमापछि गम्भीर परिणाम हुन सक्ने चेतावनी उनले दिएका छन्।
कूटनीतिक पहल सफल नभए मध्यपूर्व क्षेत्रमा तनाव थप चुलिन सक्ने विश्लेषण गरिएको छ।