जकार्ता: जकार्तामा जारी इण्डोनेशिया मास्टर्स ब्याडमिण्टन टुर्नामेण्टमा भारतको निम्ति बिहीवारको दिन असाधारण रह्यो। पीभी सिन्धू र लक्ष्य सेनले आ-आफ्नो म्याच सीधा गेममा जितेर क्वार्टर फाइनलमा स्थान बनाए। लक्ष्य सेनले असाधारण शुरुवात गर्दै हंगकंग चीनका जेसन गुनेवानलाई २१-१०, २१-११-ले पराजित गरे। म्याच लगभग आधा घण्टासम्म चल्यो। लक्ष्यले गति र नियन्त्रणलाई कायम राखेर प्रतिद्वन्द्वीलाई अधिक मौका दिएनन्। यस जीतले लक्ष्यको आत्मविश्वासलाई बढ़ाउनेछ। महिला एकलमा २ पल्टकी ओलम्पिक पदक विजेता सिन्धू पनि पहिलो राउण्डको वाधा पार गर्न सफल भइन्। भारतकी यस स्टार खेलाड़ीले डेनमार्ककी लाइन होजमार्क क्यारीफेल्टलाई २१-१९, २१-१८-ले पराजित गरिन्। म्याच ४३ मिनटसम्म चल्यो। यो सिन्धूको यस खेलाड़ीविरुद्ध छैटौं म्याचमा पाँचौं जीत थियो। क्वार्टर फाइनलमा सिन्धूको सामना टुर्नामेण्टमा शीर्ष वरीयता प्राप्त तथा विश्वकी नम्बर ४ खेलाड़ी चीनकी चेन यू फी-सँग हुनेछ। यी दुई खेलाड़ीबीच अहिलेसम्म १३ पल्ट भि़ड़न्त भएको छ, जसमा चीनकी खेलाड़ी ७-६-ले अघि रहेकी छन्।