सिलिगढी: राष्ट्रिय स्वयंसेवक संघ (आरएसएस) का सरसंघचालक डा. मोहन भागवत तीनदिने दौडाहका क्रममा बुधबार पश्चिम बंगालको सिलिगढी आइपुगेका छन्। यस अवधिमा उनले संघद्वारा आयोजना गरिएका विभिन्न कार्यक्रमहरूमा सहभागिता जनाउने कार्यक्रम छ।
संघको प्रचार विभागका अनुसार डा. भागवतले बिहीबार र शुक्रबार यहाँ आयोजना हुने युवा सम्मेलन तथा विचार–विमर्श बैठकमा सहभागिता जनाउनेछन्।
डा. भागवत बुधबार दिउँसो बागडोगरा विमानस्थलमा अवतरण गरेपछि सडक मार्ग हुँदै आफ्नो गन्तव्यतर्फ प्रस्थान गरेका थिए।