नयाँ दिल्ली: आईपीएल २०२६ अघि दिल्ली क्यापिटल्सका कप्तान अक्षर पटेल टीमको साथ तयारीहरूमा जुटेका छन्। यसबीच अनुभवी ब्याटर चेतेश्वर पुजाराले उनलाई कप्तानीलाई लिएर महत्त्वपूर्ण सल्लाह दिएका छन्। पुजाराको भनाइअनुसार, अक्षरको शान्त स्वभाव टीमको निम्ति फाइदाजनक रहेको छ तर यो सहजता लापरवाहीमा परिणत नहोस् भन्ने पनि उनले सुनिश्चित गर्नु पर्नेछ। आईपीएल जस्तो हाई-प्रेशर टुर्नामेण्टमा ससाना फसेलाहरूले पनि टीमको अभियानलाई प्रभावित गर्न सक्छ। पुजाराले अक्षरको शान्त र संयमित व्यक्तित्वको प्रशंसा गरेका छन्। यस गुणलाई आईपीएल जस्तो ठूलो मञ्चमा कप्तानको निम्ति महत्त्वपूर्ण बताउँदै आवश्यकताभन्दा अधिक हल्का मिजासमा रहँदा कहिले काहींँ परिस्थिति हातबाट उम्किने पनि पुजाराले चेताउनी दिए। उल्लेखनीय छ, आईपीएल २०२५-मा दिल्ली क्यापिटल्सले अक्षरको कप्तानीमा असल शुुरुवात गरेको थियो। टीमले शुरुवाती ४ वटा म्याच जितेको थियो। त्यस समय टीमले सजिलै प्लेअफ्-मा स्थान बनाउने लागिरहेको थियो तर पछिबाट टीमको फर्म खराब भयो अनि प्लेअफ्-मा स्थान बनाउनदेखि चुक्यो। पुजाराले विशेषगरी गति (मोमेण्टम)-माथि जोड़ दिए। उनले भने, गत सीजनमा दिल्ली क्यापिटल्ससँग असल फर्म थियो तर उनीहरूले त्यसलाई कायम राख्न सकेनन्। यसपाली कप्तानले निरन्तर असल प्रदर्शनको क्रमलाई कायम राख्ने सुनिश्चित गर्नु पर्नेछ। असल शुरुवातपछि गतिलाई कायम राख्नु जरूरी छ अनि यसमाथि अक्षरले काम गर्नु पर्नेछ। मैदानमा शान्त र धैर्यवान रहँदै कुनै पनि प्रकारको लापरवाहीबाट बाँच्नु जरूरी छ।