नयाँ दिल्ली: भारतीय क्रिकेट कण्ट्रोल बोर्ड (बीसीसीआई)-ले आईपीएललाई लिएर कठोर नियम बनाएको छ। नयाँ नियम अनुसार म्याचको अवधि केवल ती खेलाड़ीहरूलाई मैदानमा आउने या घुम्ने अनुमति हुनेछ, जसको नाम टीम सूचीमा सामेल हुनेछ। सूचीमा केवल १६ जना खेलाड़ीलाई सामेल गर्ने अनुमति हुनेछ। नयाँ नियम अनुसार प्रत्येक टीमले आफ्नो खेलाड़ीहरूका सूचीमा १६ जना खेलाड़ीलाई सामेल गर्न सक्नेछ। यसमा ११ जना खेलाड़ी प्रथम एकादशको हिस्सा हुनेछन्। यसबाहेक इम्प्याक्ट सब-को रूपमा एकजना अनि ४ जना खेलाड़ीलाई रिजर्भको रूपमा राख्न सकिनेछ। यी १६ जना खेलाड़ीहरू बाहेक टीमका अन्य कुनै पनि सदस्यले मैदानमा प्रवेश गर्न सक्नेछैनन्। नयाँ नियम अनुसार सूचीमा सामेल नहुने खेलाड़ीले ड्रिंक्स, ब्याट या ग्लभ्स लिएर मैदानमा प्रवेश गर्न सक्नेछैनन्। यी खेलाड़ीहरूले मैदानमा कुनै सन्देश पनि पुऱ्याउन सक्नेछैनन्। बाउण्ड्री लाइन नजिक केवल ५ जना खेलाड़ी बिब लगाएर घुम्न सक्नेछन्। रहल सबै खेलाड़ी डगआउटमा बस्नु पर्नेछ। यी नियमहरूको पालन नगर्ने टीम र खेलाड़ीहरूलाई शास्ती दिइनेछ। टीम प्रबन्धनलाई म्याचको अवधि स्थानापन्न (सब्स्टीट्यूड) खेलाड़ीहरूका अनावश्यक आवाजाहीमाथि सम्पूर्ण रूपले रोक रहनेछ। बीसीसीआई यी नियमहरूलाई अझ कड़ा गर्ने विचार गरिरहेको छ। सूत्रबाट थाहालागे अनुसार, नयाँ नियम एमपीसी (म्याच खेल्ने शर्तहरू)-को अनुच्छेद ११.५.२ र २४.१.४ लाई अझ कठोरताको साथ लागू गर्न ल्याइएको छ। अनुच्छेद ११.५.२ अनुसार, अम्पायरको अनुमति बिना मैदानमा ड्रिंक्स पुऱ्याउनु या समय बर्बाद गर्नु नियमहरू विरुद्ध हो। बीसीसीआई-ले आईपीएल २०२६-को अवधि यो नियम किन ल्यायो भन्ने कारण अहिलेसम्म स्पष्ट भएको छैन। म्याचको अवधि अनुशासनलाई कायम राख्न, अनावश्यक भीड़ र व्यवधानलाई कम्ती गर्न अनि खेलको गतिलाई असल तरिकाले कायम राख्ने उद्देश्यले नियम ल्याइएको अनुमान गरिएको छ।