नयाँ दिल्ली: अल इण्डिया फूटबल फेडरेशन (आईएफएफ)-ले आफ्ना पूर्व महासचिव कुशल दासको निधनमा गहिरो शोक व्यक्त गरेको छ। दासले २०१०-देखि २०२२-सम्म एआईएफएफ-को महासचिवको रूपमा सेवा दिएका थिए। उनको निधन शुक्रवार ६६ वर्षको उमेरमा भयो। उनको परिवारमा पत्नी र २ जना पुत्र छन्। पेशाले चार्टर्ड एकाउण्टेण्ट कुशल दास भारतीय फूटबलमा खेल प्रबन्धन र प्रशासनको व्यापक अनुभव लिएर आएका थिए। आफ्नो पेशादार जीवनको शुरुवातमा उनले पीडब्ल्यूसी र शेल जस्ता अन्तर्राष्ट्रिय कम्पनीहरूसँग काम गरेका थिए। साल १९९६-मा वैश्विक खेल विपणन र टेलिभिजन प्रोडक्शन कम्पनी आईएमजी भारतीय बजारमा आएपछि उनी त्यसमा मुख्य वित्तीय अधिकारी (सीएफओ)-को रूपमा जोड़िएका थिए। त्यसपछि उनले दुबईमा अन्तर्राष्ट्रिय क्रिकेट काउन्सिल (आईसीसी)-को मुख्य वित्तीय अधिकारीको रूपमा पनि काम गरे, जसले अन्तर्राष्ट्रिय खेल प्रशासनमा उनको पहिचान अझ मजबूत भयो। नोभेम्बर २०१०-मा उनले एआईएफएफ-को महासचिव पद सम्हालेका थिए, जसलाई उनले एक दशकभन्दा अधिक समयसम्म सम्हाले।
आफ्नो कार्यकालको अवधि दासले धेरै महत्त्वपूर्ण आयोजनहरू र संरचनात्मक बद्लाउहरूको देखरेख गरे, जसले भारतमा फूटबलको पहिचानलाई नयाँ उँचाई हासिल भयो। उनको नेतृत्वमा भारतले २०१७ फिफा अण्डर-१७ वर्ल्ड कपको सफल आयोजन गरेको थियो। महिला फूटबलको पनि यस अवधि महत्त्वपूर्ण प्रगति भयो अनि २०१७-मा इण्डियन्स वूमन्स लीग शुरु गरियो। उनको कार्यकालको अन्तिम चरणमा भारतले २०२२ एएफसी महिला एशियन कप जस्तो ठूलो अन्तर्राष्ट्रिय टुर्नामेण्टको सफलतापूर्वक आयोजन गऱ्यो। एआईएफएफ अध्यक्ष कल्याण चौबेले भने, कुशल दाससले एआईएफएफ महासचिवको रूपमा आफ्नो कार्यकालको अवधि भारतीय फूटबलको प्रशासन र विकासमा महत्त्वपूर्ण भूमिका निर्वाह गरे। भारतीय फूटबलको निम्ति उनको प्रयासहरूलाई सदा याद गरिनेछ। भारतीय फूटबल समुदायको तर्फबाट उनको परिवार र प्रियजनहरू प्रति यस कठिन समयमा आफ्नो गहिरो सम्वेदना व्यक्त गर्छु। ईश्वरले उनको आत्मालाई शान्ति प्रदान गरुन्। एआईएफएफ-को डेपुटी सेक्रेटरी जनरल एम. सत्यनारायणले भने, कुशल दासको निधनको खबर सुनेर गहिरो दुःख भयो। उनी एआईएफएफ-को सबैभन्दा लामो समयसम्म सेवा दिने महासचिवहरूमा एक थिए अनि १२ सालभन्दा अधिक समयसम्म यस पदमा रहे। उनको कार्यकालमा फूटबल हाउसको प्रशासनमा धेरै बद्लाउ भयो अनि धेरै नयाँ विभागहरू स्थापित भयो। मैले व्यक्तिगत रूपमा धेरै अवसरहरूमा उनीसँग सम्पर्क गरेको थिएँ अनि उनको निधन खेल प्रशासनको क्षेत्रमा ठूलो क्षति हो। ईश्वरले उनको आत्मालाई शान्ति प्रदान गरुन्।