मेलबर्न: गत दुईपल्टका च्याम्पियन यानिक सिनरले भीषण गर्मीसँग जुझ्दै भए पनि शनिवार यहाँ अष्ट्रेलियन ओपन टेनिस टुर्नामेण्टको चौथो राउण्डमा प्रवेश गरी आफ्नो खिताबी ह्याट्रिक पूरा गर्ने प्रयासलाई जारी राखे। म्याचको अवधि सिनरले हात र खुट्टाको मांसपेशीको चोटले जुझ्नु पऱ्यो अनि तेस्रो सेटमा उनी १-३-ले पछि रहेका थिए तर भीषण गर्मीको नियमहरूले उनलाई बचायो। शनिवार दिउँसो रड लेवर एरेनामा खेल केही मिनटको निम्ति रोकियो अनि छानालाई बन्द गरियो। त्यसपछि सिनर नयाँ ऊर्जाको साथ कोर्टमा ओर्लिए। उनले अघिल्लो ६-मा ५ गेम जितेर ८५औं ऱ्याङकिंग भएका अमेरिकी खेलाड़ी इलियट स्पिजिर्रीलाई ४-६, ६-३, ६-४, ६-४-ले पराजित गरे। सिनरले भने, मलाई शारीरिक रूपले निक्कै समस्या भइरहेको थियो। गर्मीको नियमले मलाई राहत हासिल भयो। समयको साथमा मेरो शरीरले असल अनुभव गर्न थाल्यो। अघिल्लो राउण्डमा सिनरले इटलीकै साथी खेलाड़ी लुसियानो डार्डेरीको सामना गर्नेछन्, जसले १५औं नम्बरका खेलाड़ी कारेन खाचानोवलाई ७-६ (५), ३-६, ६-३, ६-४-ले पराजित गरे। इटलीका ३ जना खेलाड़ी प्री-क्वार्टर फाइनल चरणमा पुगेका छन्। यसमा तेस्रो खेलाड़ी पाँचौं वरीयता प्राप्त लोरेञ्जो मुसेट्टी हुन्, जसले जन केन एरेनामा खेलिएको म्याचमा टमस माचकलाई ५-७, ६-४, ६-२, ५-७, ६-२-ले पराजित गरे। यस म्याचमा पनि पाँचौं सेटमा स्टेडियमको छाना बन्द गर्न केही समयको निम्ति खेल रोक्नु पऱ्यो। विश्वका आठौं नम्बरका खेलाड़ी बेन शेल्टन पनि अघि बढ़न सफल भए। उनले मार्गरेट कोर्ट एरेनामा खेलिएको म्याचमा मोनाकोका वेलेण्टीन वाचेरोटलाई ६-४, ६-४, ७-६ (५)-ले पराजित गरे।
यसबीच महिला एकलमा वर्तमान च्याम्पियन मेडिसन कीज र अमेरिकाकै जेसिका पेगुलाले पनि सीधा सेटमा जीत हासिल गरी चौथो राउण्डमा प्रवेश गरिन्, जहाँ यी दुईबीच भिड़न्त हुनेछ। नवौं वरीयता प्राप्त कीजले रड लेवर एरेनामा खेलिएको पहिलो म्याचमा क्यारोलिना प्लिसकोवालाई ६-३, ६-३-ले पराजित गरिन्। यसरी छैटौं वरीयता प्राप्त पेगुलाले मार्गरेट कोर्टमा खेलिएको पहिलो म्याचमा ओक्साना सेलेखमेतेवालाई ६-३, ६-२-ले पराजित गरिन्। अमेरिकाकी अन्य एक खेलाड़ी तथा चौथो वरीयता प्राप्त अमाण्डा अनिसिमोवाले आफ्नै देशकी पेटन स्टर्न्सलाई ६-१, ६-४-ले पराजित गरी प्री-क्वार्टर फाइनलमा स्थान बनाइन्। टुर्नामेण्टको सातौं दिन म्याचहरू एक घण्टा अघि शुरु गरियो कारण पूर्वानुमानमा ४० डिग्री सेल्सियस (१०४ डिग्री फेरेनहाइट) सम्म तापमान पुग्ने आशंका थियो। शुरुवाती म्याचहरूको अवधि तापमान त्यस स्तरसम्म पुगेन। शुरुवाती म्याचहरूमा तापमान ३२ डिग्री सेल्सियस दर्ता गरियो। यसबीच भारतका एन श्रीराम बालाजी र उनका अष्ट्रेलियाई साथी नील ओबरलीट्नर शनिवार सीधा सेटमा पराजित भएर पुरुष युगलको दोस्रो राउण्डमा बाहिर भए। बालाजी र ओबरलीट्नरको जोड़ीलाई अल सल्वाडोरका मार्सेलो अरेवालो र क्रोएशियाका माटो पाविचको चौथो वरीयता प्राप्त जोड़ीले ७-५, ६-१-ले पराजित गऱ्यो।