५ दिसम्बरः नमुना परिवार, टिंगलिंग चियाबारीको तत्त्वावधानमा आयोजित च्याम्पियन्स कप खुल्ला नगद राशि नक्आउट फूटबल टुर्नामेण्टमा आइतवार दोस्रो राउण्डको एउटा म्याच खेलियो। स्थानीय गढ़ी खेल मैदानमा भएको म्याचमा फेथ फाइटर्सले मरमाह एफसी-लाई ४-१-ले पराजित गऱ्यो। विजेता टीमबाट बिक्कीले ३१औं र ३८औं मिनटमा २ गोल गरे। यसबाहेक रोहन विश्वाले १८औं र प्रयागले ५२औं मिनटमा गोल गरे। यसरी नै मरमाह एफसी-बाट निपेन तामाङले ४५औं मिनटमा गोल गरे। यस सेभेन ए साइड टुर्नामेण्टमा च्याम्पियन हुने टीमलाई आकर्षक ट्रफीको साथमा ८० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा ५० हजार रुपियाँको नगद पुरस्कार प्रदान गरिने आयोजक नमुना परिवार टिङलिङको पक्षमा बिपेन थापाले जनाएका छन्।