Tuesday, January 18, 2022
Home राष्ट्रिय रिया चक्रवर्तीलाई सेप्टेम्बर २२ सम्मका लागि न्यायिक हिरासत पठाइयो

रिया चक्रवर्तीलाई सेप्टेम्बर २२ सम्मका लागि न्यायिक हिरासत पठाइयो

अदालतले रिया चक्रवर्तीको जमानत याचिका खारेज गरी २२ सेप्टेम्बरसम्मका लागि न्यायिक हिरासत पठाएको छ। नारकोटिक्स कन्ट्रोल ब्यूरो (एनसीबी)- ले मङ्गलवार अभिनेत्री रिया चक्रवर्तीलाई उनको ‘लाइभ इन पार्टनर’ सुशांत सिंह राजपूतको मृत्यु सम्बन्धी ड्रग्स केसमा तीन दिन सोधपुछ गरेपछि पक्राउ गर्‍यो। रियालाई मुम्बईको अतिरिक्त मुख्य न्यायिक मजिस्ट्रेटको अदालतमा एक चिकित्सकीय परीक्षणपछि भिडियो लिङ्क मार्फत पेश गरिएको थियो। अदालतले रिया चक्रवर्तीको जमानत याचिका खारेज गरी २२ सेप्टेम्बरसम्म न्यायिक हिरासतमा पठाएको छ। एनसीबीले दावी गरे अनुसार रिया ड्रग्स सिन्डिकेटकी “सक्रिय सदस्य” थिइन् र अभिनेता सुशांत सिंह राजपूतका लागी ड्रग्स किन्थे।
केससँग सम्बन्धित महत्त्वपूर्ण जानकारी:
अदालतले रियाको जमानत याचिका खारेज गर्दै २२ सेप्टेम्बरसम्मका लागि तिनलाई न्यायिक हिरासतमा पठाएको छ, एनसीबीले बताए अऩुसार अबउपरान्त तिनलाई थप केरकार गर्ने आवश्यकता छैन किनभने उनलाई अगावै तीन दिनसम्म सोधपुछ गरिसकेको छ। रियाका वकिल सतीश मनासिन्देले बताए, उनी रियाको जमानतका लागि सेसन कोर्टको ढोका ढकढकाउने छन्।
एनसीबीका उप निर्देशक केपीएस मल्होत्राले बताए, “रियालाई एनडीपीएसको धारा २७ ए, २१, २२, २९ र २८ अन्तर्गत पक्राउ गरिएको छ”। पक्राउपछि रियाको कोभिड-१९ जाँच गरिएको थियो जसको रिपोर्ट नेगेटिभ आएको छ।
उनलाई मङ्गलवार साँझ लगभग ७.१५ बजे एनसीबी कार्यालय लगिएको थियो जहाँ उनलाई भिडियो कन्फरेन्स मार्फत अदालतमा हाजिर गरियो।
पत्रकारहरूसित कुराकानी गर्दै दक्षिण पश्चिम क्षेत्रका एनसीबीका उप महानिदेशक एम अशोक जैनले बताए, केन्द्रीय एजेन्सीसँग उनको पक्राउको पर्याप्त प्रमाण छ।

1 COMMENT

LEAVE A REPLY

Please enter your comment!
Please enter your name here

Most Popular

बलिउड फिल्ममा खलनायकको अमिट छाप बसाल्ने लोकप्रिय अभिनेता ‘डेनी’

मुम्बई: बलिउड फिल्महरू खलनायक बिना अधुरो मानिन्छ र यो चलन ६० को दशकदेखि चल्दै आएको छ। खासगरी ८० र ९० को दशकमा...

नागरिकता अधिनियम लागु गर्ने मागमा पार्टीसित क्षुब्ध भाजपा नेता

कोलकता। राज्य विधानसभा चुनावमा कड़ा प्रतिस्पर्दापछि भाजपाको असुविधा कम हुने नाम लिइरहेको छैन। अब पार्टीबाट क्षुब्ध मतुआ समुदायको वरिष्ठ नेता आफ्नो केन्द्र...

कालेबुङ क्षेत्रको बेग्लाबेग्लै ठाउँमा २ वटा घर जलेर खरानी

  कालेबुङ: कालेबुङ ग्राम पञ्चायत अधिनस्थ ८ माइल नर्सरी गाउँ निवासी अम्बर बहादुर छेत्रीको घर राती २ बजे  आगलागी हुँदा खरानी भएको छ।...

बागडोगरा हवाईअड्डा १४ दिन बन्द हुने

सिलगढी: बागडोगरा हवाईअड्डा यस वर्ष अप्रेलमा पर्यटकीय सिजनको बीचमा १४  दिनका लागि बन्द हुनेछ। बागडोगरा विमानस्थलको रनवे पुन:र्सतहीकरण (सरफेसिङ) को कामका...

Recent Comments

Farindra on राेजगार