असामाजिक तत्वहरूको विरुद्धमा कालो कपडा बाँधेर मौन जुलुस

4af862c9-a58f-4747-af11-d9f323657144


लगातार हिंसा रोक्न बजार समिति गठन

उत्तर दिनाजपुर: माटिकुण्ड बजारमा असामाजिक तत्वको दुव्र्यवहार विरुद्ध आइतबार माटिकुण्ड क्षेत्रमा व्यापारीले अनुहारमा कालो कपडा बाँधेर मौन जुलुस निकालेका छन्। मौन जुलुसपछि व्यापारीले माटिकुण्ड बजार समिति गठन गरेका थिए। समिति नहुँदा समाज विरोधी तत्वले बजारमा आक्रमण गरेको व्यवसायीहरूको गुनासो छ। सामाजिक हिंसा रोक्न समिति गठन गर्ने निर्णय भएको छ। उल्लेखनीय छ कि उत्तर दिनाजपुर जिल्लाको इस्लामपुर ब्लकको माटिकुण्ड क्षेत्रमा असामाजिक तत्वहरूको हिंसा दिनहुँको कुरा बनेको छ। यस क्षेत्रमा दिनहुँजसो गोली र बमको बाढी आउने गरेको छ। व्यापारीहरूको ज्यान जोखिममा छ। बदमाशले बजारमा व्यापारीसँग पैसा असुल्छन्। तर समिति नहुँदा विरोध गर्न कोही अगाडि आएनन्। ९ तारिख दक्षिण माटिकुण्ड गाउँमा एक नागरिक स्वयंसेवकको ग्राम पञ्चायत प्रमुखले गोली हानी हत्या गरेको थियो। घटनाको विरोधमा माटिकुण्डका व्यापारीले ७२ घण्टा बन्द गरेका छन्। माटिकुण्ड क्षेत्रको अवस्था बिस्तारै नियन्त्रण बाहिर हुँदै गएको देखेर आइतबार माटिकुण्ड बजारका व्यापारीले अनुहारमा कालो कपडा बाँधेर मौन जुलुस निकालेका थिए। जुलुसपछि बजार समिति गठन गरिएको थियो।

Print Friendly, PDF & Email

About Author

Advertisement

MORE STORIES

Leave a Reply

Your email address will not be published. Required fields are marked *