कर्नाटकको रायचुर जिल्लाबाट एउटा चकित पार्ने घटना अघि आएको छ। यहाँ अस्पतालमा एक व्यक्तिको पेटबाट १८७ सिक्का निकालिएको छ। पेट दुख्ने र वान्ता हुने गरेको गुनासो गरेपछि उनी अस्पताल पुगेका थिए। डाक्टरले विभिन्न परीक्षण र एन्डोस्कोपी गरे। जसबाट व्यक्तिको पेटमा धेरै सिक्का भएको थाहा लाग्यो। यस कार्यपछि एक, दुई र पाँच रुपियाँका विभिन्न १८७ सिक्का निकालियो। जसको कुल लागत रु० ४६२ छ। चिकित्सकका अनुसार व्यक्तिलाई सिजोफ्रेनिया नामक रोग लागेको छ।

जानकारीका अनुसार जिल्लाको लिङ्सुगुर नगर निवासी ५८ वर्षीय दयमाप्पा हरिजनको शनिबार पेट दुख्ने समस्या भएको थियो। त्यसपछि उनका छोरा रविकुमारले उनलाई नजिकैको मेडिकल कलेज अस्पताल लगे। यहाँ चिकित्सकहरूले लक्षणका आधारमा एक्स–रे र इन्डोस्कोपी गरे। उनको पेटको स्क्यानमा उनको पेटमा १.२ किलो सिक्का देखिएको थियो। यसपछि उनको शल्यक्रिया गरिएको थियो। ती व्यक्ति सिजोफ्रेनियाबाट पीडित र सिक्का निल्ने बानी रहेको डाक्टरहरूले बताएका छन्। सिजोफ्रेनिया भएका बिरामीहरूले असामान्य रूपमा सोच्छन् र असामान्य महसुस गर्छन्। त्यही भएर उनीहरु असामान्य व्यवहार गर्छन्। बिरामीले कुल १८७ सिक्का निल्यो। यसमा पाँच रुपियाँका ५६, दुई रुपियाँका ५१ र एक रुपियाँका ८० सिक्का थिए।

दयामाप्पाका छोराका अनुसार बाबु मानसिक रुपमा विचलित भएर पनि दैनिक काम गरिरहेका थिए। ‘उनले सिक्का निलेको कुरा घरमा कहिल्यै बताएनन्। अचानक पेट दुख्दा उनले हामीलाई भने। तर, त्यतिबेला पनि उनले सिक्का निल्यो भन्ने थाहा भएन। पेटको स्क्यानमा उनले १ दशमलव २ किलो सिक्का निलेको फेला पारेका थिए’, छोराले भनेl उनको उपचार गर्ने शल्यचिकित्सक ईश्वर कुलबर्गीले यो एउटा चुनौतीपूर्ण केस भएको बताए। शल्यक्रिया सहज थिएन। बिरामीको पेट बेलुन जस्तै भएको थियो। पेटमा जताततै सिक्का थियो। अपरेशन थिएटरमा सीआर मार्फत सिक्का फेला पारेको बताइएको छl छोराले भने, ‘मैले सिक्का कहाँ थियो देखे। त्यसपछि सिक्का बाहिर निकालियो। यस प्रक्रियामा तीनजना  डाक्टर संलग्न थिएl’