३० नोभम्बरः प्रगति युथ क्लब, मिरिकको तत्त्वावधानमा आयोजित माया मेमोरियल ओपन नक्आउट फूटबल टुर्नामेण्टमा बुधवार एउटा म्याच खेलियो। मिलन नगर (मिरिक, वार्ड नम्बर ३) खेल मैदानमा आज भएको म्याचमा संगमा एफसी-ले बाकसिंग गाउँ एफसी-लाई ७-१-ले पिट्यो। विजेता टीमबाट अभिनन्दन राईले ह्याट्रिक गरे। यसबाहेक विशाल राई, शुभम थापा, सत्यम थापा र अर्पण थापाले १-१ गोल गरे। बाकसिंग गाउँ एफसी-बाट आशिष थापाले गोल गरे। यस फाइभ ए साइड टुर्नामेण्टमा च्याम्पियन हुने टीमलाई ट्रफीको साथमा ३० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २० हजार रुपियाँको नगद पुरस्कार प्रदान गरिनेछ।
About Author
Post Views: 150