विश्वमा सबैभन्दा धेरै इस्लामिक राष्ट्रहरू छन्। अर्थात् मुस्लिम जनसङ्ख्या बढी भएका देशहरू। यदि हिन्दू धर्मको कुरा गर्ने हो भने यस धर्मका अधिकांश मानिस भारत, त्यसपछि नेपाल र बङ्गलादेशमा बस्छन्। इंग्ल्याण्ड र अमेरिकामा पनि हिन्दूहरुको संख्या कम छैन, भारत वा नेपालबाट गएर यी देशमा बसोबास गर्नेहरु नै हुन्। विश्वमा भारत बाहिर एउटा यस्तो देश छ जुन मुस्लिम राष्ट्र हो तर एउटा यस्तो राज्य छ जहाँ ९७ प्रतिशत जनसंख्या हिन्दूहरू छन्। अन्य देशबाट आएर पनि यी मानिसहरु बसोबास गरेका छैनन्। यी मानिसहरू यहाँ पहिलो वा दोस्रो शताब्दीदेखि बस्दै आएका छन्।
यहाँ चर्चा गरिरहेको देश इन्डोनेसिया हो। यहाँ बाली टापुमा हिन्दूहरुको संख्या सबैभन्दा बढी छ। जाभाको पूर्वमा अवस्थित यस टापुको नाम धेरै पुरानो हो। माजापहित १५ सय वर्ष पहिले इन्डोनेसियामा एक हिन्दू राज्य थियो। यस साम्राज्यलाई ध्वस्त गरेपछि, मुस्लिम सुल्तानहरूले यसलाई कब्जा गरे। यसपछि, जाभा र अन्य टापुका कुलीनहरू बाली भागे। करिब १०० वर्षअघि बालीमा हिन्दू राजाहरूले मात्र शासन गर्दथे। त्यसपछि डचहरूले यहाँ कब्जा गरे।
बालीका ९७% जनता हिन्दू धर्ममा विश्वास गर्छन्। यस क्षेत्रमा धेरै यस्ता पर्यटकीय स्थलहरू छन् जुन विश्वभर प्रसिद्ध छन्। यहाँका कला, संगीत, नृत्य र मन्दिरहरू सीधै हृदयमा पुग्छन्। बालीको राजधानी डेनपसार शहर हो। बालीको अर्थतन्त्रदेखि महत्वपूर्ण व्यापारिक संस्थासम्म हिन्दूहरूको योगदान सबैभन्दा बढी छ। बालीमा मानिसहरू रामायण र महाभारत धेरै पढ्छन्। यहाँका बहुसंख्यक हिन्दूहरू एनिमिज्म, पितृपूजा वा पितृ पक्ष र बोधिसत्वमा बढी ध्यान केन्द्रित गर्छन्।
बाली टापुको नामको बारेमा एक धार्मिक कथा पनि छ। पुराणमा उल्लेखित पाताल देशका राजा बलिको नामबाट यो नाम राखिएको भनिन्छ। यहाँका मन्दिरहरूमा भगवान गणेश, शिवलिंग र बुद्धका मूर्तिहरू देख्नु हुनेछ। चौथो, पाँचौं शताब्दीमा यहाँ हिन्दू राज्य स्थापना भएको इतिहासकारहरू बताउँछन्। १८औं शताब्दीमा डचहरूले बाली कब्जा गरे, तर यसले धर्म र संस्कृतिलाई असर गरेन। बालिनीहरू पनि मृत्युपछि आत्मा सबै बन्धनबाट मुक्त हुने विश्वास गर्छन्, त्यसैले मृत्युलाई उत्सवको रूपमा हेर्छन्। बालीमा मूर्तिहरूले कालो र सेतो चेक लुंगी जस्तो लुगा लगाएका छन्। ब्रह्मा, विष्णु, महेश, सरस्वती, कृष्ण, राम, गणेश आदि सबै देवताका मूर्तिहरू देख्न सकिन्छ। रामलीला आयोजना गरिएको छ। यहाँ मन्दिरलाई पुरा भनिन्छ। बाली चाडपर्वको देश हो। मुख्य चाड ‘नेपी’ हो। मौन दिवसका रुपमा मनाइन्छ।