मुम्बई: आनन्द एल रायको रिलेशनशिप ड्रामा ‘रक्षा बन्धन’ को टिम फिल्मको प्रमोशनका लागि सोमबार कोलकाता आइपुगेको छ। यसअघि देशका विभिन्न शहरको भ्रमण पनि भइरहेको छ। चलचित्र रक्षा बन्धन पर्वको शुभ अवसरमा रिलिज हुँदैछ। यसको टोली बहुप्रतिक्षित फिल्म रक्षा बन्धनको प्रचार गर्न दुबई, पुणे, हैदरावाद, अहमदाबाद, इन्दौर जस्ता धेरै शहर र देशहरूको भ्रमण गर्दैछ।
‘रक्षा बन्धन’को टोली अक्षय कुमार, निर्देशक तथा निर्माता आनन्द एल रोय र कलाकार सादिया खातिब, स्मृति श्रीकान्त, सहजमिन कौर र दीपिका खन्नाले सोमबार कोलकाताको भ्रमण गरेका छन्। टोलीले कोलकाता भ्रमणका क्रममा दिल्ली पब्लिक स्कूलको पनि भ्रमण गरेको थियो। उनले विद्यालयमा पुगेर चलचित्रका विषयमा विद्यार्थीसँग कुराकानी गरे। फिल्मको स्टार कास्टलाई फ्यानहरुले विद्यालयमा भव्य स्वागत गरेका थिए। उनले फ्यानसँग सेल्फी समेत खिचे।
आनन्द एल रोयले निर्देशन गरेको आनन्द एल रोय र हिमांशु शर्माको निर्माण तथा हिमांशु शर्मा र कनिका ढिल्लनले जि स्टुडियो, अल्का हिरानन्दानी र केप अफ गुड फिल्म्सको सहकार्यमा लेखेका, हिमेश रेशमियाको संगीत र इर्शाद कामिलको शब्द रहेको छ। यसमा भूमि पेडनेकर, अक्षय कुमार, नीरज सूद, सीमा पाहवा, सादिया खातिब, अभिलाष थपलियाल, दीपिका खन्ना, स्मृति श्रीकान्त र सहजमिन कौरको मुख्य भूमिका रहेको छ। चलचित्र रक्षाबन्धन ११ अगस्त २०२२ मा रक्षाबन्धनको दिन रिलिज हुने तयारीमा छ।